Pak para takimit me strukturat e Partisë Demokratike në Durrës, ish-deputeti Ervin Salianji deklaroi për mediat se politikanët e opozitës duhet të jenë më afër qytetarëve, në mënyrë që të mundësohet fuqizimi dhe ringritja e PD-së.
Salianji theksoi se opozita ka nevojë të rikthejë komunikimin e drejtpërdrejtë me njerëzit për të ndërtuar besim dhe për të krijuar një alternativë të fortë qeverisëse.
“Është e rëndësishme që cilido prej politikanëve, por sidomos ata të PD-së, të kthehen tek njerëzit, tek kafet, tek takimet dhe bashkëbisedimet, për të bërë të mundur ringritjen e partisë dhe ripërtëritjen e saj.
Unë do të jem në çdo takim ku do të më kërkojnë demokratët, për të ndarë mendime se si PD të bëhet e fortë dhe të jetë alternativë qeverisëse,” – u shpreh ai.
