Prokuroria e Elbasanit ka mbajtur për gati tre vite nën hetim biznesmenin Edmond Hyka, i njohur si Mond Mëhalla, për akuzën e “Pastrimit të produkteve të veprës penale”. Hetimi nisi për shkak të të kaluarës së tij problematike jashtë vendit, ku ai ishte proceduar dhe arrestuar si i dyshuar për trafik droge.
Dosja penale ndaj tij u regjistrua në vitin 2020 me numër rendor 1878, dhe u hetua nga prokurorja Edlira Bako. Megjithatë, pas tre viteve hetime, prokuroria nuk arriti të siguronte prova konkrete që të vërtetonin akuzën e pastrimit të parave, duke kërkuar pushimin e çështjes dhe duke e dërguar dosjen në Gjykatën e Elbasanit.
Çështja në fazën gjyqësore është shqyrtuar nga gjyqtari Elis Dine, por deri më tani nuk është bërë publik vendimi përfundimtar i gjykatës mbi hetimin financiar ndaj Mëhallës.
Kush ishte Mond Mëhalla?
Biznesmeni i ekzekutuar mbrëmjen e 30 nëntorit 2025 zotëronte disa aktivitete në Elbasan:
- Club-in “Hollywood Lounge Bar”
- Pikën e karburantit “Xhaxhi Oil”, në oborrin e së cilës u vra
- Kompaninë e taksive dhe transportit “EL-Taxi”
Ekzekutimi i tij me dy plumba në kokë ka hapur një sërë pikëpyetjesh mbi konfliktet dhe historikun e tij penal, ndërsa hetimet për vrasjen vijojnë.
LEXO EDHE:
EMRI/ Ekzekutohet biznesmeni në Elbasan, dy plumba në kokë brenda “Range Rover-it”
