Policia e Tiranës ka sekuestruar dy automjete të prodhimit të viteve të fundit, një “Benz GLC” dhe një “Lynk&Co”, me vlerë totale rreth 110 mijë euro.
Mjetet ishin futur në vend nga Italia me dokumentacion të falsifikuar dhe me numra shasie të ndryshuar, me synim shitjen dhe targimin e tyre në mënyrë të paligjshme.
Autoritetet kanë shpallur në kërkim dy persona: G. G., 34 vjeç, i dyshuar për trafikimin e automjetit tip “Lynk&Co” dhe për falsifikimin e dokumenteve, si dhe S. S., 40 vjeç, i dyshuar për trafikimin e automjetit tip “Benz GLC” dhe për manipulimin e numrit të shasisë.
