Ish-deputeti demokrat Ervin Salianji, ka ngritur akuza kundrejt SPAK, se ky i fundit është me dy standarde.
Referuar dosjes së “21 janarit”, Salianji thotë se SPAK, ka thirrur Sali Berishën, por nuk ka thirrur kryeministri Edi Rama që ishte asokohe organizatori i protestës.
Gjithashtu Salianji hodhi edhe hipotezën se nëse Rama po e përdor politikisht SPAK-un për luftë të brendshme në PS.
“Ne dimë një gjë, që nuk e thërrasin dot. Por për 21 janarit që kanë thërritur Sali Berishën , dhe ky që është organizator, nuk e thërrasin dot? A e përdor Edi Rama politikisht për luftën e brendshme në PS? Hipotezë është, përderisa nuk ka fakt konkret. A ka fuqi Edi Rama për ta përdorur për luftë të brendshme? E dini që ka 8 vite që kemi çuar kallëzim për Fatmir Xhafajn dhe nuk i hapin hetim dhe jo vetëm kaq i ka çuar dy shkresa grupi parlamentar dhe nuk japin as përgjigje. Pra si ka mundësi që disa nuk preken dhe hajde të prekim disa të tjerë”, tha mes të tjerash Salianji në News 24.
