Dy bashkëpunëtorët e zv.kryeministres së pezulluar Belinda Balluku, Gentian Gjyli dhe Erald Elezi, kanë mbërritur mëngjesin e sotëm në GJKKO, të shoqëruar nga efektivët e policisë.
Në orën 09:00 pritet të nisë seanca në Gjykatën e Posaçme kundër Korrupsionit dhe Krimit të Organizuar, që zhvillohet për ta dhe për vetë Ballukun. Ajo u pezullua dy ditë më parë nga detyra dhe iu ndalua dalja jashtë vendit.
Sipas njoftimit zyrtar të GJKKO-së, seanca po zhvillohet në kuadër të procedimit penal nr. 136/2025, të regjistruar nga SPAK. Balluku është marrë zyrtarisht e pandehur më 31 tetor 2025 dhe akuzohet për “shkelje të barazisë në tendera dhe ankande publike” në bashkëpunim, lidhur me procedurën për ndërtimin e Tunelit të Llogarasë me një fond limit prej 180 milionë euro.
Ndërkohë, SPAK ka ngritur ndaj saj edhe një akuzë të re për abuzim me tendera në lotin 4 të Unazës së Madhe. Seanca e sotme ka për qëllim marrjen në pyetje të të pandehurve dhe verifikimin e kushteve për caktimin e masave të sigurisë.
Mbërrijnë në GJKKO bashkëpunëtorët e Ballukut, Gentian Gjyli dhe Erald Elezi
