Këshilltari i Partisë Demokratike në Këshillin Bashkiak të Tiranës, Dorjan Teliti, ka reaguar pas vendimit të Gjykatës Kushtetuese, e cila rrëzoi vendimin e qeverisë për shkarkimin e Erion Veliajt dhe e riktheu atë në detyrë si kryebashkiak i Tiranës.
Në një postim në Facebook, Teliti e cilësoi këtë vendim si pasojë të drejtpërdrejtë të qëndrimit të mazhorancës, e cila sipas tij refuzoi kërkesat e opozitës për të dokumentuar në mënyrë të plotë shkeljet e kryera nga Veliaj dhe për t’i garantuar atij të drejtën kushtetuese të mbrojtjes.
“Vendimi i Gjykatës Kushtetuese në lidhje me çështjen Veliaj është pasojë e drejtpërdrejtë e qëndrimit të mazhorancës, e cila refuzoi kërkesën tonë për të pasuruar vendimin e shkarkimit nga Këshilli Bashkiak me shkeljet reale të shumta të kryera nga kryetari i bashkisë, si dhe për t’i garantuar atij të drejtën kushtetuese të mbrojtjes para Këshillit Bashkiak,” shkruan Teliti.
Ai shton se Partia Demokratike do të vazhdojë betejën për transparencë dhe llogaridhënie në Bashkinë e Tiranës, pavarësisht zhvillimeve të fundit.
“Ne do të vazhdojmë të kërkojmë transparencë dhe përgjegjësi, ne do të vazhdojmë betejën për Tiranën, kurdo qofshin zgjedhjet,” përfundon reagimin e tij këshilltari demokrat.
Postimi i plotë Dorjan Telitit:
Vendimi i Gjykatës Kushtetuese në lidhje me çështjen Veliaj është pasojë e drejtpërdrejtë e qëndrimit të mazhorancës, e cila refuzoi kërkesën tonë për të pasuruar vendimin e shkarkimit nga Këshilli Bashkiak me shkeljet reale të shumta të kryera nga kryetari i bashkisë, si dhe për t’i garantuar atij të drejtën kushtetuese të mbrojtjes para Këshillit Bashkiak.
Ne do të vazhdojmë të kërkojmë transparencë dhe përgjegjësi, ne do vazhdojmë betejën për Tiranën kurdo qofshin zgjedhjet.
