Forcat Operacionale të Policisë së Shtetit kanë arrestuar një person të shpallur në kërkim nga drejtësia e Kosovës.
Në kuadër të operacionit “Operacionalja 70” është vënë në pranga shtetasi Nelson Shehu, 44 vjeç, i cili është kapur në Tepelenë, teksa akuzohet për kultivim të bimëve narkotike.
“Ky shtetas ishte shpallur në kërkim pasi Gykata Themelore e Gjakovës, Kosovë, me vendimin e datës 06.02.2025, i ka caktuar masën e sigurisë “Arrest në burg”, për veprën penale “Kultivimi i bimëve narkotike”.” – thuhet në njoftimin e Policisë.
Autoritetet thonë se Interpol Tirana do të kryejë procedurat për ekstradimin e 44-vjeçarit në Kosovë.
