Nga Basir Çollaku
Raporti OSCE-ODIHR, rrëzon zgjedhjet me pafundësinë e gjetjeve, por jo hajdutët e zgjedhjeve..Ata që qeverisin prej plaçkës së grabitur, lexojnë e premtojnë se nuk do të harrojnë..
Nuk ishin të barabarta. U shkel Karta e Kopenhagenit, çka cilëson jo standard demokratik procesin. Nga 4522 aktivitete elektorale ligjshkelëse të Ramës, KQZ hapi sytë vetëm 18 herë. Marshallah..!
dhe drejtësia paska parandaluar…?!
Çfarë?! .Po çfarë kanë ndaluar ata nëse Krimi i Organizuar ka ndikuar në zgjedhje..?!Reshjet e dëborës në maj??! SPAK dhe Prokuroria apo me tej policia, menduan se makinat elektrike furnizohen me naftë, sepse duhet një gjenerator me vete të prodhojë rrugës energji nga karburanti e të karkojë baterinë e makinës!! Kjo është bonus me qera.
Apo çgjetja tjetër se vota e diasporës qenka menaxhuar mirë??! Në favor të PS po, është menaxhuar mirë..!! Një gjysëm nderi për DHL mbase kjo referencë anemike e raportit…
Ai raport është blozë sepse kështu ishte lënda e parë ne 11 maj, e zezë, BLOZË ..Këtë e dinë analfabetë, të shkolluar, e të shkalluar.
Atëherë meqë Krimi i Organizuar ndikoi, kërcënoi, duhet një përfaqësi e Krimit të Organizuar të përballet me pjesën fituese të ndryshojë pushtetin?!
Partia dhe shteti ishin një. Shteti shkrirë me partinë në pushtet, e partia e shkrirë me Krimin e Organizuar !!! Kandidatët të përbashkët, në një grup parlamentar sot në Kuvend?! U përdorën masivisht asetet dhe postet publike. Çtë përdornin tjetër?!
U kërcënuan votues me vendet e punës sot dhe përfitimet nesër U falën gjoba. Po me qindra milionë euro falje kush përfiton?!
Raporti ka plot konkluzione! Po sanksione?! Me këtë qeveri të dalë nga kontributi i Krimit të Organizuar, përndryshe trafiku i drogës dhe pastruesit e parave do të shpresojmë të përmirësojmë çfarë?!
Ata janë ortakë zgjedhorë e qeveritarë. Janë vendimmarrës. Kanë grupin e tyre parlamentar, pjesë e mazhorancës. Ata përfaqësues të Krimit do zvogëlojnë pjesën e tyre pas këtij investimi njerëzor dhe financiar?!
Ky raport është në një farë leximi, një manual i zi se si fitohen paligjshmërisht zgjedhjet, ndërsa Arbitri, thjesht nxjerr kartona të verdhë, e tek tuk një të kuq. Por nuk anulon aspak ndeshjen se shënohen gola me dorë!! Rekomandimet e OSCE-ODIR janë një recetë për të qenë misioni prapë nëpër këmbë i punësuar këtej rrotull. Helbete, ca burokratë me 1000 euro dita do ndrisin një hiç. Rekomandimet do zihen me groshët. Natyrisht zgjedhjet nuk rrëzohen asnjëherë pas zgjedhjeve. Me raporte kurrë. Por mundet të rrëzohen përpara, madje përpara se të vidhen. E këtë nuk mund ta bëjnë në asnjë mënyrë ndërkombëtarët. Është një hajvanllek serioz tua kërkojmë këtë atyre, të huajve, punën tonë..
