Komisioni Qendror i Zgjedhjeve (KQZ) ka njoftuar se deri në mesditë, pjesëmarrja në zgjedhjet lokale në Kosovë ishte 7.84%. Kryetari i KQZ-së, Kreshnik Radoniqi, deklaroi se nuk janë regjistruar parregullsi që të rrezikonin procesin e votimit.
Për krahasim, në zgjedhjet lokale të vitit 2021, pjesëmarrja deri në të njëjtën orë ishte 8.2%. Qytetarët me të drejtë vote mund të votojnë deri në orën 19:00.
KQZ paralajmëroi se rezultatet preliminare do të publikohen brenda 48 orëve pas mbylljes së votimit. Në komunat ku asnjë kandidat nuk merr mbi 50% të votave, do të organizohet rundi i dytë më 9 nëntor.
Një konferencë e re e KQZ-së do të mbahet më vonë për të dhënë informacion mbi pjesëmarrjen deri në orën 11:00.
