Nezir Mehmetaj është liruar nga burgu në Serbi, konfirmuan familjarët e tij. Ai ishte arrestuar më 3 janar 2020 në pikëkalimin kufitar në Merdare dhe akuzohej për krime lufte kundër popullatës civile.
Prokuroria serbe pretendonte se Mehmetaj, me uniformën e UÇK-së, kishte marrë pjesë në vrasjen e disa serbëve në qershor të vitit 1999 në fshatin Rudicë të Klinës, si dhe në plaçkitjen dhe djegien e disa shtëpive një muaj më vonë.
Pavarësisht mohimeve të tij për këto akuza, Gjykata e Lartë e Serbisë e kishte dënuar me gjashtë vite burg. Liria e tij pas vuajtjes së dënimit vjen pas gjashtë vitesh në qeli.
