Tifozët serbë nuk e njohin kufirin e turpit.
Përveç vërshëllimave të njëpasnjëshme në momentin kur lojtarët shqiptarë kapin topin, ata filluan me kore politike “Kosova është Serbi”.
Pavarësisht apelit të UEFA-s, që Serbia mund të rrezikojë të humbasë tifozët për dy vite nëse vijon me kore politike dhe raciste, ata nuk duan t’ia dinë.
Pamjet po qarkullojnë gjerësisht në rrjet, me videot që marrin përhapje të gjerë. Kujtojmë që edhe himni shqiptar është vërshëllyer para fillimit të ndeshjes.
Në Leskovac nuk ka asnjë tifoz shqiptar, ndërsa në stadium, janë rreth 4 mijë vetë.
