Pavarësisht pezullimit nga Gjykata Kushtetuese të dekretit të Presidentit për zgjedhjet e pjesshme lokale në Tiranë në 9 Nëntor, Partia Socialiste ka vijuar fushatën me kandidaten e saj, Ogerta Manastirliu.
Manastirliu është takuar me mjekë dhe infermierë për të diskutuar rolin që ka bashkia në përmirësimin e shërbimeve ndaj qytetarëve.
Edhe kreu i KQZ, Ilirjan Celibashi, deklaroi ditën e sotme se që nga vendimi i GJK është pezulluar procesi i përgatitjes së zgjedhjeve për Tiranën dhe shtoi më tej se do të shkelnin Kushtetutën dhe Kodin zgjedhor nëse KQZ do vijonte me procesin përgatitor për zgjedhjet.
Lind pyetja: Nga e merr sigurinë Manastirliu se zgjedhjet në Tiranë do të mbahen që vijon fushatën e pashqetësuar për vendimin e Kushtetueses?
