Në një dalje për mediat kryetari i Pd, Sali Berisha ka akuzuar kryeministrin Edi Rama për vendimin e tij për të klasifikuar si “sekret shtetëror” shpenzimet e qeverisë, duke e cilësuar këtë si një precedent të rrezikshëm dhe antikushtetues.
Berisha deklaroi se ky akt i fshehjes së shpenzimeve publike nuk ka paralele në historinë demokratike të Shqipërisë, duke e krahasuar me praktikat e diktatorit Enver Hoxha dhe regjimeve autoritare si ato të Kim Jong Un dhe Nicolás Maduro.
Ai theksoi se ky vendim bie ndesh me Kushtetutën dhe ligjet themelore të vendit, duke e cilësuar si një përpjekje për të fshehur abuzimin me fondet publike.
Berisha solli në vëmendje shpenzimet luksoze të kryeministrit, duke përmendur dreka me verë Romane Conti me vlerë 33 mijë euro dhe 141 udhëtime me charter në dy vite, që sipas tij kanë kushtuar 23 milionë euro nga buxheti i shtetit.
Ai akuzoi Ramën se po përdor paratë e taksapaguesve për pushime dhe vakanca, ndërkohë që kërkon të fshehë çdo gjurmë të këtyre shpenzimeve.
Deklarata e Berishës:
Ramaduro vendos të sekretojë shpenzimet e tij, të shndërrojë në sekret shtetëror, shpenzimet të cilat i bën me paratë e taksapaguesve shqiptarë. Ky akt precedent në Shqipëri, vetëm diktatorin Enver Hoxha. Ky akt ka paralel në botë Kim Jong Un dhe Maduron e Venezuelës.
Ky akt i sekretimit të shpenzimeve bie ndesh me kushteutën me ligjet themelore të vendit. Njeriu që hap shishe Romane Konti 33 mijë euro në drekat e tij kërkon të sekretojë shpenzimet.
Njeriu që ka shpenzuar në dy vite, 23 milionë euro udhëtime me charter, 141 udhëtime me charter, për pushime, për vakanca, për konferenca, tani kalon në një akt tjetër, që nuk ekziston në asnjë vend tjetër përvec Koresë së Veriut dhe Venezuelës.
Edi Rama u thotë Shqiptarëve do t’u vjedh dhe ju të mos merrni vesh.
