Presidenti francez, Emmanuel Macron pritet të zgjedhë ditën e sotme, një kryeministër për të nxjerrë vendin nga kriza politike, një veprim që shmang zgjedhjet e reja për momentin.
Politika franceze ka qenë e bllokuar që kur Macron mori përsipër rrezikun e zgjedhjeve të parakohshme vitin e kaluar, të cilat ai shpresonte se do të konsolidonin pushtetin, por përfunduan në një parlament të varur dhe më shumë vende për të djathtën ekstreme.
Macron ka ftuar krerët e partive, me përjashtim të “Tubimit Kombëtar” dhe “La France Insoumise”, në Pallatin Elysée në orën 14:30.
Kreu i shtetit premtoi të emërojë një kryeministër deri mbrëmjen e së premtes, pas dorëheqjes së papritur të Sebastien Lecornu, ditën e hënë.
Krerët e partive të ftuar nga Macron janë Gabriel Attal, Marine Tondelier, Bruno Retailleau dhe Olivier Faure.
