Policia e Selanikut ka arrestuar një shqiptar 26-vjeçar për posedim arme dhe droge.
Konkretisht, në kuadër të një hetimi për parandalimin dhe pengimin e incidenteve të dhunës sportive, oficerët e policisë gjetën një grup personash, në një park pranë një shoqate tifozësh joaktive, duke marrë pjesë në një aktivitet. Atje, oficerët e policisë gjetën midis gjetheve të pemëve një pistoletë plotësisht funksionale, me numër serial të fshirë dhe një karikator me 5 fishekë
Më pas, për të identifikuar pronarin, u shoqëruan 32 persona. Hetimi paraprak identifikoi shqiptarin 26-vjeçar si pronar të pistoletës, i cili rezulton një person me precedentë penalë, si grabitje, zhvatje, kërcënime, rrëmbim personi dhe dëmtime të rrezikshme trupore.
Gjatë kontrollit në shtëpinë e tij, u gjetën dhe u sekuestruan 8.31 gramë kanabis i fshehur. I arrestuari u shoqërua në organin kompetent të prokurorisë së Selanikut
