Policia e Tiranës ka arrestuar një 23-vjeçar që dyshohet se ka përdorur të mitur për të kryer vjedhje në kryeqytet. Në pranga ka rënë Jurges Kodhelaj, ndërsa dy 13-vjeçarë dhe një 48-vjeçar janë marrë nën hetim në gjendje të lirë.
Sipas njoftimit zyrtar, hetimet zbuluan se Kodhelaj nxiste një prej të miturve që të kryente vjedhje në zona të ndryshme të Tiranës. Më pas, bashkëmoshatari i tij dhe 48-vjeçari dyshohet se përvetësonin sendet e vjedhura.
Gjatë operacionit u sekuestruan katër monopatina, të dyshuara si të vjedhura.
“Nga hetimet dyshohet se shtetasi J.K. nxiste në mënyrë të vazhdueshme njërin prej 13-vjeçarëve për të kryer vjedhje, ndërsa i mituri tjetër dhe shtetasi Sh.M., 48 vjeç, përvetësonin sendet e vjedhura”, thuhet në njoftimin e policisë.
