Zbardhet emri i autorit të ngjarjes te Liqeni i Thatë. Mësohet se autori i arrestuar është Imer Krrashi.
Policia bën me dije se 31-vjeçari ka tentuar arratisjen pasi blutë i kanë bërë shenjë të ndalojë sepse do t’i nënshtrohej një kontrolli.
Në përpjekje për t’u larguar i riu është përplasur me disa makina dhe një motor, ku po udhëtonte një polic me gruan e tij.
Ata u transportuan ne spital dhe ndodhen nën kujdesin e mjekeve.
Më pas drejtuesi i mjetit është kapur pas ndjekjes në zonën pranë TEG-ut, ku i është gjetur një armë zjarri me vete.
Njoftimi:
Rreth orës 12:30, tek Liqeni i Thatë, Forca e Posaçme “Shqiponja” i kanë bërë shenjë ndalimi automjetit me drejtues shtetasin Imer Krrashi, 31 vjeç, pasi kishin marrë informacion se 31-vjeçari qarkullonte me armë zjarri.
Pas ndalimit, në momentin që shërbimet e Policisë i kanë bërë të ditur se ndaj tij dhe automjetit do ushtrohej kontroll, 31-vjeçari ka vijuar lëvizjen me shpejtësi duke perplasur disa automjete dhe 1 motomjet. Si pasojë është dëmtuar drejtuesi dhe pasagjeri në motomjet, të cilët ndodhen në spital.
Pas një ndjekje intensive u bë ndalimi i automjetit. Gjatë kontrollit të automjetit i është gjetur një armë zjarri pistoletë.
Infomacion më të detajuar do të jepet në përfundim të veprimeve proceduriale.
