Kryeministri Edi Rama ka vijuar sulmet ndaj sistemit të drejtësisë, duke e cilësuar përplasjen me Unionin e gjyqtarëve si një çështje jo vetëm publike, por edhe personale.
Me tone të ashpra, Rama ka akuzuar përfaqësuesit e Unionit për kërkesa të vazhdueshme për rritje pagash, duke i cilësuar si të tejkaluara dhe të pamerituara.
“Janë më të mirëpaguar në rajon,” tha Rama, duke shtuar se kjo nuk u jep të drejtën të kërkojnë paga më të larta se Presidenti i Republikës.
Ai kritikoi idenë që rritja e pagave për mësuesit apo infermierët duhet të shoqërohet automatikisht me rritje për gjyqtarët, duke e cilësuar si një logjikë të deformuar.
Ai e përshkroi situatën si një përballje me “zaptuesin që kap një gjyqtar”, duke e pozicionuar veten si zëdhënës të popullit që i ka dhënë mandatin.
“Jam marrë dhe do të merrem prap me ta për çështje të interesit publik, jo me çështje të një individi. Është edhe çështje personale, sepse ata të Unionit janë ata që kërkojnë rritje pagash në mënyrë të vazhdueshme në mos gabohem, prap kanë kërkuar rritje pagash, u tejkalua skema natyrale e çdo shteti që ti jepnim mundësinë të ndiheshin të mirëpaguar, janë më të mirëpaguar në rajon.
Por kjo s’do të thotë që duhet të jenë mbi Presidentin dhe nuk do të thotë se nëse rriten pagat e infermierëve e mësuesve të rriten pagat e tyre se duan të kenë paga më të larta.
U shqetësuan ata? Por unë si tia bëj?! Kur qytetarët denoncojnë ‘na kanë zënë rrugën”.
Çfarë të bëj unë të rri mos të flas fare, qytetarët që ë dhanë mandatin të rrinë me zaptuesin që kap një gjyqtar.”
