Deputeti i Partisë Demokratike, Belind Këlliçi, ka reaguar pas rrëzimit të rezolutës së propozuar nga opozita për dënimin e gjenocidit serb në Kosovë.
Përmes një postimi në rrjete sociale, Këlliçi e ka cilësuar vendimin e mazhorancës si një akt jo vetëm antidemokratik, por edhe antishqiptar. Ai ka theksuar se rrëzimi i rezolutës përkon me qëndrime të Serbisë dhe është në kundërshtim me interesat e Kosovës.
Postimi i plotë:
Sot mohimi i debatit parlamentar përveç vrasjes së demokracisë, nxorri në pah edhe një përmasë tjetër, atë antishqiptare të qeverisë Rama!
Rezoluta e propozuar nga opozita për të dënuar genocidin serb nuk është thjesht dhe vetëm një çështje e ditës, është qëndrim i domosdoshëm kombëtar, pavarësisht kahut ideologjik, si dhe detyrim i dalë nga Kushtetuta e Republikës së Shqipërisë.
Në kontekstin kur kryeministri i Shqipërisë mban një qëndrim të hapur kundër qeverisë së Kosovës dhe ndërhyn pro Serbisë në implementimin e pikave të marrëveshjes mes shteteve, mohimi i Rezolutës kundër Genocidit Serb, vetëm sa i shton provat për një bashkëfajësi dhe vëllazëri Rama – Vuçiç kundër faktorit shqiptar.
