Teksa, grupi i negociatorëve të PD-së, ka nisur negociatata me partitë aleate për t’u futur me kandidatë të përbashkët në zgjedhjet e parakohshme lokale për Tiranën, takimet ende nuk kanë ndodhur me partitë e reja.
Agron Shehaj i Partisë Mundësia, në një konferencë për mediat deklaroi se negociatat me demokratët nuk kanë ndodhur deri më tani, për shkak të kushtit që ata kanë se kandidati duhet të jetë një figurë jo politike.
Siças Shehajt, për sa kohë, demokratët vijnë me një emër nga brenda radhëve të PD-së, këto negociata nuk do të ndodhin, teksa shtoi se ende nuk e kanë marrë një përgjigje konkrete nga PD.
Agron Shehaj: Kemi thirrur këtë konferencë për shtyp në lidhje me zgjedhjet për kryetar Bashkie në Tiranë, duke pasur parasysh që edhe PD ka deklaruar se ka filluar negociatat për një kandidaturë të mundshme të të gjithë opozitës.
Ne kemi mbajtur një qendrim e kemi thënë që ka vetëm një mënyrë për të fituar zgjedhjet në Tiranë dhe e vetmja mënyrë është që e gjithë opozita të ketë një kandidat që vjen nga jashtë partive politike. Jemi të bindur që kjo është është e vetmja mënyrë për të fituar zgjedhjet në Bashkinë Tiranë. Sidomos duke pasur parasysh që para disa muajsh u bënë zgjedhje në Tiranë dhe PS ka marrë pothuaj 44% të votave po të llogarisim dhe votat që ka marrë PSD, shanset që një kandidat i opozitës i njërës prej partive politike të fitojë zgjedhjet janë shumë të vogla.
E vetmja mënyrë dhe e vetmja alternativë është të kemi një kandidat që vjen jo nga radhët e partive politike. Nuk kemi marrë një përgjigje të prerë nga PD nëse është apo nuk është për një alternativë të tillë. Përgjigjet kanë qenë të llojit edhe mundet, të shohim. Por propozimi ynë ishte i qartë. Na kërkohet të futemi në negociata, por para se të zhvillojmë cdo lloj negociate është me rëndësi që PD të thotë është apo nuk është për një kandidat të tillë e nuk mund të luajë me dy porta duke thënë edhe jemi edhe s’jemi.
Duhet ta ndajë ose do vazhdojë me mënyrën e vjetër duke nxjerrë një kandidat që përfaqëson PD ose me mënyrën e re që opozita nxjerr një kandidat të përbashkët Ne ulemi dhe flasim vetëm nëse marrim një përgjigje nga PD, e cila zotohet dhe angazhohet qe po do dalim me një kandidat jashtë partive politike. Kjo ka qenë pengesa pse ne nuk jemi ulur me PD.”
Shehaj deklaroi se partia e tij ka disa emra, alternativa që është i bindur që fitojnë ndaj Ogerta Manastirliut në Tiranë. Por, sipas Shehajt, PD-ja duhet të ndajë mendjen se si do të veprojë.
Agron Shehaj: Dëgjoj shpesh që thonë që nuk paska kandiatë të gatshem. Nuk është e vërtët Tirana ka kandidatë të ndershëm punëtorë të aftë pafund ka shumë që janë të gatshëm të lënë punët e tyre e të vendosen në shërbim të qytetarëve të Tiranës. Ne kemi disa emra, alternativa shumë të mira që jam i bindur që mund të fitojnë përballë kandiates socialiste që të gjithë e dinë që ka dosje ne SPAK se ka abuzuar me paratë e qytetarëve shqiptarë.
Thjesht PD të ndajë mendjen nuk mund të ulemi në negociata pa ditur për cfarë do negociojmë. Nëse duan të dinë nga Partia Mundësia nëse ne do mbështesim një kandidat të PD, është e kotë që të ulemi në tavolinë. Përgjigja qështë jo. Nëse janë të gatshëm e kanë ndarë mendjen që të kandidojnmë një përfaqësues të opozitës që të bashkojë opozitën e që të marri vota përtej votave të partive opozitare jo vetëm që jemi dakort por jemi të bindur që kjo është e vetmja mundësi. Ky është një fillim. Le ta tregojmë që mundet Edi Rama. Ky është një shans i artë që pas 12 vitesh të kemi një palë zgjedhje ku opozita fiton
I pyetur mbi përjashtimin që Flamur Noka i bëri Arlind Qorit dhe Lëvizjes Bashkë nga negociatat, Shehaj u shpreh se partia më e madhe e opozitës nuk është në kushtet për të përjashtuar njeri.
Agron Shehaj: Nëse duam të zgjedhim një kandidat jo të korruptuar në bashkinë Tiranë duhet ti shtrijmë dorën të gjithëve e nuk e shoh të arsyesme të themi këta jo këta po, Qorit, Lapajt, Shabanit, ë gjithëve pa përjashtim. Opozita s’ka luksin të vendosë veto. Vërtet mendojmë që opozita është në kuashtet që mund të zgjedhë? Nuk është kjo fryma, nuk është kjo zgjidhja
