Policia e Durrësit ka reaguar pas ngjarjes së rëndë të ndodhur mbrëmjen e djeshme në lagjen nr. 12, ku u gjet i vrarë në banesën e tij 51-vjeçari Valbon Beqiraj (i njohur edhe si M. B.).
Sipas njoftimit zyrtar, trupi i viktimës u gjet rreth orës 19:30 dhe nga ekspertiza paraprake mjekoligjore rezultoi se ai kishte shenja dhune, si dhe plagë të shkaktuara nga mjet prerës (thikë), të cilat dyshohet se i shkaktuan vdekjen.
Njoftimi i policisë:
Durrës Vijojnë veprimet e thelluara hetimore për zbardhjen e vrasjes së ndodhur mbrëmjen e djeshme, në lagjen nr. 12, Durrës.
Më datë 24.09.2025, rreth orës 19:30, shërbimet e Policisë kanë marrë njoftim se në lagjen nr. 12, Durrës, në banesë, është gjetur pa shenja jete shtetasi V. B., alias M. B., rreth 51 vjeç.
Nga ekspertiza paraprake mjekoligjore e kryer nga grupi hetimor, nën drejtimin e Prokurorisë, ka rezultuar se në trupin e 51-vjeçarit kishte shenja dhune dhe plagë të shkaktuara me mjet prerës (thikë), si pasojë e të cilave dyshohet se ky shtetas ka humbur jetën.
Përgjatë natës dhe aktualisht, grupi i posaçëm hetimor ka kryer dhe është duke kryer një sërë veprimesh të thelluara hetimore, me qëllim zbardhjen dhe dokumentimin e ngjarjes, identifikimin dhe kapjen e autorit/ve.
Në përfundim të veprimeve, do të ketë një njoftim të plotë dhe të detajuar në lidhje me këtë ngjarje.
LEXO EDHE:
