Analisti Armand Shkullaku i ftuar në Syri tv, duke komentuar luftën e ftohtë mes Edi Ramës dhe Erion Veliajt dhe shkarkimin e pritshëm gjatë ditës së nesërme, deklaroi se, largimi i kryebashkiakut është vendosur vetëm nga kryeministri.
Gjatë bisedës, Shkullaku u shpreh se, Rama vendos për çdo gjë dhe nuk do t’ja dijë për pushtetet e tjera.
“Qorrsokaku më i madh është të diskutosh në një vend, ku një njeri i vetëm kontrollon gjithë pushtetet, a është ligjore shkarkimi, apo nuk është ligjor shkarkimi i Erion Veliajt. A duhej hequr imuniteti i Sali Berishës për masën e ndalimit, apo duhej marrë leje në parlament, apo SPAK me bënte drejtpërdrejt.
Kujt i takon vula e PD, etj. Unë e kam quajtur edhe skizofreni tonë, kur një njeri jep urdhër dhe të gjitha gjërat bëhen sipas atij urdhri, dhe ne këtu tjerrim lesh, duke thënë, e ja shiko se ai e thotë me arsye, e thotë pa arsye. Arsyeja e vetme ne e dimë se kush është,”- tha Shkullaku.
Ai shtoi se gjatë periudhës së fundit ka pasur një vëzhgim të kujdesshëm të zhvillimeve brenda mazhorancës.
“Mes Erion Veliajt dhe Edi Ramës ka një luftë të heshtur. Që Edi Rama nëse do, ja heq kokën kurdo Erion Veliajt. Edi Rama na tregoi të gjithëve se, në Shqipëri nuk ka ndarje pushtetesh. Pushtet lokal, qendror, gjyqësor, legjislativ, ekzekutiv. Jo, ka vetëm një pushtet.
Ai ja dredh kokën edhe Ermal Dredhës, edhe pse atë e ka zgjedhur populli i Vlorës. Ai nuk bëri betejë dhe dha dorëheqjen. Ai thotë, ‘Erion Veliaj do të shkarkohet kur të them unë, se unë vendos për pushtetin lokal. Ç’janë këto, Gjykata Kushtetuese, këshill bashkiak këto budallaqe. Do shkarkohet tani dhe zgjedhjet do bëhen kur them unë.” – u shpreh Armand Shkullaku
