Sali Berisha ka akuzuar kreun e SPAK-ut Altin Dumani se ka bërë përpjekje për të zgjatur mandatin e tij në krye të institucionit, duke ndryshuar Kushtetutën.
Berisha tha në emisionin “Opinion” se këto përpjekje Altin Dumani i ka bërë duke amnistuar krerët e lartë të Qeverisë, teksa hodhi akuza edhe për ish-ministrin e Drejtlsisë, Ulsi Manja, ku sipas tij, ka regjistrime që flet për marrjen e 500 mijë eurove nga një “çun Londre”, teksa i kërkon dhe një çantë Louis Vuitton.
Sali Berisha: Lubia, e cila është e zhytur në dosje, me të cilat ajo në mënyrë absolute me çdo drejtësi dënohet të paktën me 60 vjet. Dhe harroje se ka vjedh pa ndarë paret me të. Erion Veliaj vjedhjet e mëdha që ka bërë me Edi Ramën i ka të amnistuara nga Altin Troplini. Për çfarë është Veliaj në burg? Për djegësin e Tiranës?
Blendi Fevziu: Jo nuk është për atë…
Sali Berisha: Për djegësin e Tiranës, Altin Troplini, ky pengmarrës pa ligj dhe moral. Pse i fali ai këta?
Blendi Fevziu: Kë fali?
Sali Berisha: Edi Ramën, Olsi Ramën, Lubi Ballukun, etj. Pse i fali? I fali se donte mandat të dytë.
Blendi Fevziu: Nuk ka mandat të dytë, është hapur gara.
Sali Berisha: Kush e deklaroi? E deklaroi përfaqësuesja e SHBA-ve. Gjatë dy viteve jam detyruar ta denoncoj të paktën 10 herë përpjekjen e tij puçiste për të ndryshuar kushtetutën për mandatin e tij. Kapte Ulsi Manjën… Dilte Ulsi Manja në regjistrime që i thoshte çunit të Londrës, ‘A i more ato 500 mijë euro ti?’. Po po, i thoshte Ulsia, por më duhet edhe një çantë Louis Vuitton.
Blendi Fevziu: Çfarë e donte çantën ai? Ai uk është grua
Sali Berisha: Jo se dhurohen ato çanta. Ndoshta dhe burrat i mbajnë, por unë e di që dhurohen. Pra Louis Vuitton i thotë Ulsi Manja…. ‘Për kë e don ti?’ Dhe e këput ai ja thotë ato të vetat. Janë regjistrime këto
Në një moment, Berisha shprehet për Dumanin: “I mori peng këta që të zgjasë mandatin”.
