Prokuroria e Posaçme SPAK, ka refuzuar të hetojë Arbjan Maznikun për një tender me vlerë 471 milion lekë të vjetra që bënte fjalë për rehabilitimin e rrugës “Xhon Belushi” në zonën e Freskut në Tiranë.
Gazetari Elton Qyno ka mësuar se vendimi është marë 1 muaj pasi dosja hetimore është çuar për moskopetencë nga prokuroria e Tiranës drejt SPAK.
Por dosja kundër Maznikut dhe disa zyrtarëve të tjerë të Komisionit të Vlerësimit të Ofertave pranë Bashkisë Tiranë, më parë ka dalë nga godina e SPAK se sa është verifikuar.
Tashmë çështja penale ndaj ish-zv/kryetarit të Bashkisë Tiranë dhe ministrit aktual të qeverisë “Rama 4”, është rikthyer sërisht në prokurorinë e Tiranës, ku në ditët në vijim prokurorëve të këtij institucioni do ti duhet të marin një vendimarje përfundimtare.
SPAK, ka pretenduar në mospranimin e dosjes së dërguar nga prokuroria e Tiranës, se pavarësisht se hapjes së një tenderi fiktiv me vlerë 471 milion lekë nga ana e autoritetit kontraktues Bashkia Tiranës, tenderi është anulluar dhe për pasojë vepra penale nuk ka marë kuptimin e kryerjes së saj.
Duke u nisur nga ky kuptim, SPAK ka refuzuar të çelë hetimin ndaj Arbian Maznikut dhe zyrtarëve të tjerë, e për pasojë ka çuar menjëherë dosjen penale sërisht në prokutorinë e Tiranës.
Ky tender u anullua nga Arbian Mazniku, vetëm 1 ditë pasi u denoncua publikisht nga Belind Këlliçi, i cili e quajti rastin si një vjedhje flagrante duke i bërë thirje SPAK të hetonte.
Rruga “Xhon Belushi” ishte asfaltuar dhe rehabilituar nga punonjësit e bashkisë së Tiranës, në një kohë që tenderi ishte ende i hapur dhe nuk ishte shpallur asnjë kompani fituese.
Por një ditë pas denoncimit të Këlliçit, tenderi fiktiv me fond limit prej 471 milionë lekësh u anulua.
Partia Demokratike kallëzoi në Prokurorinë e Tiranës Erion Veliajn dhe Arbjan Maznikun, i cili në atë kohë ishte në detyrën e nënkryetarit të Bashkisë, por edhe në cilësinë e autoritetit kontraktor.
Kjo ishte edhe arsyeja pse Arbian Mazniku, disa muaj më parë u thir në prokurorinë e Tiranës, duke dhënë shpjegime për 5 orë me rradhë.
Pas pyetjes së tij dhe zyrtarëve të tjerë të bashkisë Tiranë, prokuroria e Tiranës vlerësoi se Mazniku dhe anëtarët e KVO-së kishin “Shpërdoruar detyrën”.
Ndaj duke konsideruar se kjo dosje i përkiste kopetencës së SPAK, vlerësuan dhe shpallën moskopetencën dhe çuan çështjen për hetime të mëtejshme në SPAK.
Por SPAK, nuk nguroi fare të kryejë verifikime të mëtejshme, duke kthyer mbrapsht dosjen e Arbjan Maznikut. /Ora News
LEXO EDHE:
Njëri në burg, tjetri ministër/ Çfarë e ndau dyshen Veliaj-Mazniku dhe hija e “Nesti Angonit”
FOTO/ Nën hetim nga SPAK, Arbjan Mazniku takim privat “kokë më kokë” me Ulsi Manjën
DETAJET/ Ja çështja për të cilën dëshmoi për 4 orë Mazniku, hetimi mund t’i kalojë SPAK-ut
SPAK po heton Maznikun/ Iu kontrollua banesa para zgjedhjeve, në fokus restoranti dhe tenderat
