Nga Boldnews.al
Belinda Balluku u duk se shënoi një arritje të fuqishme brenda Partisë Socialiste, kur u konfirmua nga Edi Rama për të vijuar të mbajë pozicionin e zv.kryeministres dhe Ministres së Infrastrukturës, gjatë Asamblesë Socialiste të zhvilluar të enjten e 11 shtatorit 2025.
E kritikuar fuqishëm nga opozita, nën akuza publike për përfshirje në korrupsion dhe “armike e betuar” politike e kryebashkiakut të arrestuar socialist të Tiranës, Erion Veliaj, kishte shumë nga ata që vinin bast se ylli i Ballukut do të perëndonte. Rama, megjithatë, nuk e zhgënjeu bashkëpunëtoren e tij të vjetër që nga koha e Bashkisë së Tiranës dhe i besoi sërish postin që mbart “thelën e luanit” të Buxhetit të Shtetit.
Por, “qeveria 4” e Edi Ramës shënoi edhe një dështim të vogël për Belinda Ballukun dhe lobin e saj politik. Dy nga “djemtë e rinj” të saj, Ceno Klosi dhe Klevis Jahaj, nuk arritën të merrnin asnjë prej posteve qeveritare.
Mungesa e një emërimi të mundshëm në kabinetin qeveritar të dy deputetëve të rinj, Klosi dhe Jahaj, natyrisht, nuk përbën ndonjë çudi të madhe. Ata janë pa përvojë në politikën e lartë.
Megjithatë, të dy “çunat e rinj” të Belës duhet të kenë mbetur të zhgënjyer nga vendimi i Ramës për t’i lënë jashtë qeverisë.
Ata kanë qenë motorët elektoralë të fushatës së Belinda Ballukut në Fier dhe këtë e treguan me “fitoren publiçitare” të tyre. Ceno Klosi fitoi 15.807 vota, ndërsa Klevis Jahaj mori 14.281 vota.
Të dy bashkë, pa asnjë eksperincë politike dhe elektorale, arritën t’i siguronin plot 30 mijë vota Partisë Socialiste të Edi Ramës, duke shënuar një rezultat “spektakolar”, që, me shumë mundësi, buronte nga makineria shtetërore që kishin pas vetes.
Ceno Klosi ka mbajtur prej vitesh pozicione kyçe në administratën e lartë të drejtuar nga Belinda Balluku. Ai ka qenë fillimisht këshilltar i saj, më tej drejtor i Agjencisë Kombëtare të Mbetjeve. Për tre vjet, 2021-2024, mbajti detyrën e Drejtoritt ë Përgjithshëm të Tatimeve dhe, në fund, qëndroi shumë pranë Ballukut, duke u emëruar zv.ministër i Infrastrukturës.
Ndërsa Klevis Jahaj, nga një jurist pranë Operatorit të Shpërndarjes së Energjisë Elektrike (OSHEE), u katapultua në vitin 2021 nga Belinda Balluku në pozicionin e Drejtorit të Agjencisë Kombëtare të Mbetjeve.
LEXO EDHE:
Çunat e Belës nuk heqin dorë nga vesi, Ceno Klosi i vjedh votat Klevisit të Ujësjellësit
Ceno Klosi me mbi 800 vota të vjedhura, Balluku gjen si arsye lodhjen e numëruesve
