Gjashtë persona kanë humbur jetën, sipas izraelites Haaretz dhe të paktën 21 të tjerë janë plagosur në një sulm të dyshuar terrorist me armë zjarri në Jerusalemin Lindor. Shtatë prej të plagosurve rezultojnë në gjendje kritike për jetën.
Sipas mediave izraelite, ngjarja ndodhi në zonën e Ramotit, një koloni ilegale izraelite në Jerusalemin lindor, pranë një stacioni autobusi. Autoritetet konfirmuan se dy nga autorët e sulmit janë “neutralizuar”.
Kanali 12 raportoi se disa sulmues hipën në një autobus dhe qëlluan mbi pasagjerët.
“Pamë njerëz të shtrirë përtokë, disa të pavetëdijshëm, pranë stacionit të autobusit. Skena ishte tronditëse, me xhama të thyer dhe kaos. Fillimisht u dhamë ndihmën e parë dhe po vijojmë transportimin e të plagosurve në spital”, tha një nga mjekët e urgjencës që shkuan fillimisht në vendin e ngjarjes.
Ngjarja e rëndë ndodhi vetëm pak minuta pas deklaratës së ministrit të Mbrojtjes, Israel Katz, i cili kishte paralajmëruar sot se “një uragan i fuqishëm zjarri do të godasë qytetin e Gazës”.
Ndërtimi i ngjarjes
Të dielën në mbrëmje, teksa mbi Jerusalem ndriçonte hëna e kuqe, dikush kishte postuar në internet një profeci të zymtë, “Hëna e gjakut”, duke iu referuar 15 palestinezëve që humbasin jetën çdo ditë në Gaza dhe hakmarrjes që pritej të vinte në formën e një sulmi terrorist.
Në orën 10 të mëngjesit, jo shumë larg flamurit amerikan prej bronzi që përkujton 11 shtatorin, dy burra të armatosur shfaqen në kryqëzim, i cili në atë orë është i mbushur me kolonë, figura fetare dhe njerëz që shkojnë në punë.
Një autobus, linja 62, sapo është ndalur. Të shtënat janë të shpejta dhe të përsëritura. Dikush përpiqet të hidhet nga autobusi: ai vritet.
Terroristët gjithashtu hapin zjarr ndaj makinave që kalojnë, derisa dy kalimtarë – një burrë ultra-ortodoks dhe një ushtar – arrijnë t’i kthejnë zjarrin dhe t’i vrasin: dy palestinezë nga Kubiba dhe Kutna, dy fshatra të Bregut Perëndimor, të cilët duhet të kërkojnë një leje të veçantë për t’u larguar (e cila nuk u dha).
Grupi militant palestinez Hamas, që nuk duket të ketë përgjegjësi, lavdëroi dy “luftëtarë të rezistencës” palestineze, të cilët sipas tij kryen sulmin, por nuk mori përsipër përgjegjësinë.
Zakonisht pas ngjarjeve të tilla, çdo hyrje dhe dalje nga Jerusalemi do të qëndrojë e bllokuar deri në një urdhër të ri.
Kryeministri Benjamin Netanyahu shkoi në vendin e ngjarjes bashkë me ministrin për Sigurinë Kombëtare, Itimar Ben-Gvir.
Ministri izraelit i Financave, Bezalel Smotrich, një përfaqësues i ekstremit të djathtë, akuzoi Autoritetin Kombëtar Palestinez duke thënë se “Shteti i Izraelit nuk mund të pranojë një Autoritet Kombëtar Palestinez që rrit dhe edukon fëmijët e tij për të vrarë hebrenj”, shkroi ai në X.
“Autoriteti Kombëtar Palestinez duhet të zhduket nga harta dhe fshatrat nga vijnë terroristët duhet t’i ngjajnë Rafah dhe Beit Hanoun” (qytetet e Gazës të shndërruara në rrënoja).
Siç është zakon, të gjitha pikat e hyrjes dhe daljes në Jerusalem do të mbeten të bllokuara deri në njoftim të mëtejshëm.
Kryeministri izraelit Bibi Netanyahu ka mbledhur përsëri kabinetin e tij të sigurisë për të vendosur se çfarë të bëjë: vetëm mbrëmë, propozimi i fundit për një armëpushim në Rripin e Gazës, i paraqitur nga administrata amerikane, kishte arritur në tryezën e tij.
Sulmi i ri ka të ngjarë të pezullojë përsëri gjithçka. Sigurisht që ka bllokuar gjyqin e kryeministrit për korrupsion, i cili duhej të rifillonte sot.
“Ne jemi të angazhuar në një luftë të madhe kundër terrorizmit”, tha kryeministri, duke mbërritur në vendin e sulmit.
“Ne po ndjekim dhe rrethojmë fshatrat nga vijnë terroristët”.
Këto fjalë u pasuan nga një mesazh nga Presidenti Herzog “Sulmi i tmerrshëm na kujton vazhdimisht se po luftojmë të keqen absolute. Bota duhet të kuptojë se me çfarë po merremi dhe të përvetësojë se terrori nuk do të na nënshtrojë”.
Ndërkohë, për ngjarjen reagoi menjëherë qeveria franceze dhe ajo gjermane.
Vetëm mbrëmjen e kaluar, mbi tryezën e tij kishte mbërritur propozimi më i fundit për armëpushim në Rripin e Gazës, i avancuar nga administrata amerikane. Me shumë gjasa, ky sulm i ri do të ngrijë përsëri çdo përpjekje.
Hera e fundit që vendi tronditet nga një ngjarje e tillë ishte pothuajse dy vjet më parë: të shtënat e para në Izrael që nga 7 tetori, një muaj e gjysmë pas fillimit të luftës në Gaza. Kjo ndodhi në Trampark, ku një çift terroristësh kishin sulmuar me mitralozë, duke përdorur gjithashtu një pistoletë. Një rabin dhe dy gra mbetën të vdekur në tokë. Në vapën e ndërhyrjes së parë, ushtarët kishin vrarë aksidentalisht edhe një izraelit i cili në fakt po përpiqej të neutralizonte komandon. Edhe atëherë, një autobus: objektivi më i lehtë.
