Për ligjvënësin e zgjedhur demokrat, Besart Xhaferri, me farsën elektorale të 11 majit, nuk është ndonjë vlerë e madhe të jesh deputet i Kuvendit të Shqipërisë, sa kohë që Parlamenti varfërohet në cilësinë që ofron, me figura integritet e karakter, kjo edhe për shkak se ata janë ‘prodhuar’ nga trafiku u narkotikëve dhe bandat.
Në një intervistë për edicionin e pasdites në Syri Tv, Xhaferri tha se me një parlament i dalë nga një farsë, duhet ta bëjë opozitën të jetë më e fortë në nisjen e saj të aksionit opozitar si brenda ashtu dhe jashtë Kuvendit, pse jo edhe me protesta në të gjithë Shqipërinë.
Sipas Xhaferrit, Shqipëria tanimë është një Republikë Kryeministrore që udhëhiqet nga një njeri i vetëm, Edi Rama, dhe që përbërja e qeverisë së tij, është tashmë një film i parë që pas 2017.
Xhaferi shkon më tej ku thotë se Rama ‘ka dominuar emra për ministra të ndryshëm, njëjtë si Big Brother, të cilët janë anonimë, në mënyrë t’i ketë në dorë dhe t’i përdorë si koka turku për të ardhmen.
‘Boshti kryesor i opozitës, në jetën parlamentare e në terren, të zgjojë faktorin e brendshëm dhe të jashtëm’,
S’ka vlerë të madhe të jesh deputet në parlament ku janë figura të drogës e trafikut. Parlamenti është varfëruar në cilësi, integritet e karakter të deputetit. Për deputetët në pushtet s’ka rëndësi kartoni i tyre personal kur interesat e tyre vihen para atyre kombëtare. Sot është një Republikë kryeministrore, edhe pse çmenduria e tij kalon caqet financiare. Parlament i dalë nga një farsë elektorale, dhe kjo duhet të na bëjë për të nisur aksionin tonë opozitar, si në parlament, terren apo edhe në të gjithë Shqipërinë.
Eksperimenti i mandateve u bë, dhe s’mund të kërkohet për herë të dytë një gjë që u provua dhe që ishte shumë e dëmshme. Besoj se e kemi kuptuar që s’duhet bërë. S’duhet të ketë më një jetë parlamentare. Opozita kërkon të drejtat e saj, dhe si jepen. Jeta parlamentare do jetë gati-gati në grimcë. Por skenë për të bërë kauzat tona si brenda e jashtë saj,
Qeveria e re, është një film i parë. Ka nominuar si Big Brother ministra të ndryshëm, anonimë, që t’i ketë në dorë, marioneta e koka turku për të ardhmen, që një marionetë ta lëshojë ose ta zëvendësojë në të ardhmen. Një kryeministër që ka falimentuar bizneset e shpopulluar Shqipërinë. Interesi kryesor për ministrat, është se flitet për sekserët e pushtetit, që duan akses në ministri për të marrë tender e bërë korrupsion. S’do ndryshojë asgjë emri i një ministri të çdo dikasteri.
11 maji ishte një betejë që u mposht opozita e populli opozitar me një farsë. Mbajtja gjallë e demokracisë, tani po kap gjyqësorin, që s’i binden, mediet… mendoj se duhet të jetë zgjimi i faktorit kombëtar për të ngritur njerëzit për të luftuar, dhe së dyti dhe zgjimi i faktorit ndërkombëtar, për çjerrjen e maskës së këtij regjimi. Lufta jonë ekzistenciale si opozitë, është dhe do të jetë gjithmonë. Boshti kryesor i opozitës parlamentare dhe asaj në terren, është të zgjojë faktorin e brendshëm dhe të jashtëm. – u shpreh Besart Xhaferri.
