Gazetarja e emisionit investigativ Stop në TV Klan, Domenika Bajraktari, dhe kameramani i saj janë dhunuar ditën e sotme në ambientet e Kadastrës Vorë-Kamëz, ndërsa ishin në krye të detyrës.
Ngjarja ndodhi gjatë një investigimi mbi problematikat në këtë institucion. Në vend të bashkëpunimit dhe transparencës institucionale, ekipi i Stop është përballur me dhunë fizike.
Pas incidentit, drejtues të Kadastrës kanë deklaruar se agresori nuk ishte punonjës i institucionit, por mbetet e paqartë prania e tij në zyrat e shtetit.
Me anë të një postimi në rrjetet sociale kreu i PD Sali Berisha e ka dënuar këtë akt të rëndë ndaj gazetarëve ndërsa thekson se klima e presionit dhe gjuhës së urrejtjes ndaj medias po krijon një ambient gjithnjë e më të rrezikshëm për punonjësit e saj.
Ai gjithashtu deklaroi se pas këtij akti të shëmtuar, fshihet një bandit i drejtoreshës së Kadastrës Lorena Goxhobelli , i thirrur për t’i dhënë një mësim në zyrat e narkoshtetit gazetares.
Postimi i Berishës:
Në Kadastrën e Lorenës nuk zgjidhet punë, por rrihen gazetarët
