Që pas rikthimit të Donald Trump si president i SHBA-së, duket se Edi Rama nuk e ka më përkrahjen e Amerikës, pasi nuk ka zhvilluar asnjë takim me zyrtarë të lartë amerikanë, asnjë telefonatë dhe as nuk u urua për fitoren në zgjedhje.
Por, pavarësisht të gjitha këtyre faktorëve, Rama vazhdon të pretendojë se nuk ka ngërç me Trump-in dhe shtoi se ka takuar vajzën e tij, por duhet theksuar se takimet me të i zhvillon për marrëdhënie biznesi dhe jo politike.
I pyetur në “Opinion”, Rama konfirmoi darkën me Alex Soros dhe bashkëshorten e tij në Dhërmi, duke theksuar se Soros ka qenë, është dhe do të mbetet miku i tij dhe se nuk i intereson fare fakti që ai atakohet nga Trump-i.
Pjesë nga deklarata:
Gazetari: Ju keni një ngërç në raport me Shtetet e Bashkuara të Amerikës.
Edi Rama: Ngërç? Çfarë ngërçi???
Gazetari: S’ju kam parë të takoni asnjë prej zyrtarëve të lartë…asnjë telefonatë me presidentin, asnjë takim JD Vance
Edi Rama: Po pse, çfarë, pse do bëj telefonatë me presidentin (Trump)…
Gazetari: Ndërkohë që keni një miqësi me dhëndrin e Trump, por që nuk ka rol ekzekutiv në administratë. Çfarë po ndodh?
Edi Rama: Asgjë s’po ndodh. Marrëdhënie tona me SHBA janë në nivelin më të mirë.
Gazetari: Ndërkohë pashë gjatë verës që…
Edi Rama: Pastaj unë u bëra 12 vjet në këtë detyrë, s’kam nevojë më as për fotografi, as për telefonata…kështu që nuk i kërkoj këto fare.
Gazetari: Por ndërkohë pashë një fotografi tuajën me Alex Soros dhe bashkëshorten e tij gjatë një darke në Dhërmi
Edi Rama: Është miku im.
Gazetari: Por ai është atakuar javët e fundit nga presidenti Donald Trump…
Edi Rama: E ç’më duhet mua
Gazetari: A ndikon raporti juaj me Sorosin, fakti që ishin i ftuar në dasmën e tij, mbajtët një fjalim…, në raportet me administratën amerikane? Se edhe amerikanët i kanë këto gjëra, nuk i kemi vetëm ne.
Edi Rama: Unë isha…unë isha para disa javësh me të bijën këtu.
Gazetari: Të Donald Trumpit?
Edi Rama: Po…edhe me dhëndrin, edhe familjen. Po unë nuk bëj fotografira se shiko me kë jam. Më kanë ikur këto emocione ka shumë vite Kështu që ça do me thënë kjo?! Atje ata kanë punën e tyre…”shiu ka punën e vet” (ironi), ne kemi punën tonë. Alex Sorosi, ka qenë, është dhe do të jetë miku im.
