Premier League duket se nuk ka probleme me financat pasi sesioni veror i merkatos, i cili sapo u mbyll, tregon se klubet e Premier League kanë shpenzuar plot 3.56 miliardë euro me blerjet e lojtarve të rinj.
Një “kontribut” të madh në grumbullimin e kësaj shifre ka dhënë Liverpool me 511 milionë euro të paguara për Alexander Isak (170 mln euro), Florian Wirtz (125), Hugo Ekitike (95), Milos Kerkez (46.9), Jeremie Frimpong (40), Giovanni Leoni (31) etj.
Për të vendosur këtë “rekord” kontribut kanë dhënë edhe skuadra si Man. City, Man. United, Tottenham, Arsenal, Chelsea apo edhe Newcastle, të cilat kanë blerë lojtarë si Nick Woltemade (85 mln euro), Benjamin Sesko (76.5 mln euro), Martin Zubimendi (70 mln euro), Xavi Simons (65 mln euro) dhe Joao Pedro (63.7 mln euro).
Mesatarisht një skuadër e Premier League ka shpenzuar këtë verë diçka më shumë se 178 milionë euro në merkato. Krahasuar me katër ligat e tjera të mëdha të Evropës, ritmin e anglezëve e ka mbajtur vetëm Serie A me 1,2 miliardë euro të shpenzuara. Ndërsa në vendin e tretë renditet Bundesliga me 856.03 milionë euro dhe La Liga me 683.02 milionë euro. Ndërsa në vendin e fundit qëndron Ligue I franceze me 636.51 milionë euro.
