Nga Basir Çollaku
Krim, korrupsion, mafie?! Kryeson dukshëm Edi Rama me robt e shpisë në përmendje e dyshime të.shumta hetimore. Por vijon vëllai i Gjiknurit, vëllai i Veliajt, vëllai i Edit, vëllai i Fatmirit, bashkëshorti Elisës, familjarë të Beqajt, Gonxhes, Bushkës, Felajt, Ulësiit, Kokës, Tahirit, pa harruar Ballukun, Ballën, Vengun, Peleshin, Kumbaron, Krifcën, Denajn, Maznikun, Klosin, Xhaçkën, për të shtuar listën me Peçin, Malajn, Subashin, Sakon, Dakon, Byberajn, të gjithë janë biznese e dosje penale të Strukturës së Posaçme.
Nuk i mungon hetimit as kreu i shtetit, për detyrën e mëparshme në Ministrinë e Mbrojtjes. Kemi një pushtet motrash, vëllezërish, dhëndurësh, kunetërish. Të tillë janë edhe në vjedhje.
Hetohen me dyshime se kanë përfituar duke përdorur pushtetin personal dhe të përbashkët, duke marrë paligjshmërisht nga prona e pasuria publike. Në këtë pellg janë si shtesë kontrate edhe dashnoret apo dashnorët, sipas gjinisë. Ky lloj eskortëzimi i pushtetit është kthyer në skemë. Realisht këta janë oligarkët realë të vendit.
Më tej mundet të zbulosh fijet e tyre në pastrimin e parave dhe lidhjet me bandat. Spiropali frymëzohej nga “Gjoka” në zgjedhjet në Shkodër e nga “Klajdi” në Durrës. Të dy në botën e trafikut e krimit të organizuar. Kapja nuk është vetëm ekonomi, ndonëse ka peshën më të madhe. Familjarët janë shpërndarë në qeveri e drejtësi, për të rritur garancitë e mosndëshkimit.
Po përse hetimi nga Struktura e Posaçme, ngec me vite dhe nuk shkon as në gjykatë, për të fajësuar apo pafajësuar emrat e shumtë të shtet-pushtetit?! Sepse duhet të shkojnë tek kryetari i tyre, lejuesi, përdoruesi, përfituesi kryesor, Edi Rama. Duhet marrë i pandehur ai i pari. Këtë takat prokurorët nuk e kanë. Këtë pavarësi nuk e kanë shfaqur. Presin mos pikojnë përgjime mafioze nga dosjet e ndërkombëtarëve.
Madje edhe atëherë i fshehin e zvarrisin. Sepse sekti, ka në dorë zgjatjen e mandateve të tyre, për tu votuar së afërmi. Janë shpërfillës duke mos zbatuar vendimet e gjykatave, si tregues se kanë privatizuar institucionet. Eshtë Partia, kryetari i saj rilindas që vendos kur zbatohet një vendim dhe kur jo. Zjarret po djegin vendin siç shirat e përmbysin. Sepse vatra e zjarrit dhe përmbytjes së.vendit është në.godinën e Kryeministrisë. Në.oborr janë motra, vëllezër, kunetër, dhëndurë, dashnore, pa harruar diplomatë që marrin rreze me zarfa…
