Gjatë një daljeje publike për situatën me zjarret, Kryeministri Edi Rama tha se Shqipëria nuk ka avionë të vetët për emergjenca dhe se “avioni nuk është një fjalë goje”. Ai u justifikua se blerja e avionëve është shumë e kushtueshme dhe se për përballimin e flakëve janë mbështetur nga vende të tjera.
“Po të kishim vetë avionët tanë do të ishte akoma më mirë. Askush s’e mohon këtë. Por kush i bën llogaritë duhet t’i rikthehet pak llogarive. Avionët nuk janë një fjalë goje,” tha Rama, duke shtuar se udhëtimet e tij private i kryen me avionë linje dhe se nuk ka avion personal.
Por pamjet e publikuara nga mediat 2 muaj më parë, shihet kryeministri shqiptar duke zbritur në aeroportin Schiphol të Amsterdamit nga një avion privat luksoz të tipit Gulfstream Aerospace G-IVSP, me regjistrim “TC-EMR”.
Ky udhëtim, i lidhur me pjesëmarrjen në një samit ndërkombëtar, dyshohet të ketë kushtuar rreth 34,965 euro për një drejtim të vetëm – sipas tarifave mesatare për këtë lloj avioni, të cilat variojnë deri në 7,000 euro në orë fluturimi.
VIDEO/ 36 mijë euro fluturimi, Rama shkon me charter në samitin e NATO-s. Mister kush ia pagoi
