Situata e zjarreve në vend mbetet e rënduar, me 30 vatra ende aktive.
Në Gramsh, flakët që nisën në fshatin Kullollas kanë detyruar evakuimin e banorëve, ndërsa është raportuar një humbje jete dhe disa të plagosur. Zjarri po i afrohet fshatit Skënderbegas, duke rrezikuar banesat.
Situatë problematike ka edhe në Poliçan, ku zjarri ka dalë jashtë kontrollit dhe po rrezikon disa fshatra. Banorëve u është kërkuar të largohen menjëherë nga banesat.
Në Vlorë, një vatër zjarri po përparon pranë Parkut Natyror të Syrit të Kaltër, ndërsa flakët kanë prekur edhe zonat e Pecës, Kardhikaqit dhe Sirakatit.
Zjarre aktive raportohen gjithashtu në Dibër, Tiranë, Gjirokastër, Shkodër, Lezhë, Kukës, Korçë dhe Fier. Në disa zona po përdoren mjete ajrore për shuarjen e flakëve.
