Të paktën 138 persona kanë humbur jetën gjatë 24 orëve të fundit në Rripin e Gazës, si pasojë e sulmeve të forcave izraelite, njofton Ministria e Shëndetësisë e kontrolluar nga Hamasi në këtë territor. Me këtë shifër, numri i përgjithshëm i viktimave që nga fillimi i konfliktit ka arritur në 61,158.
Gjithashtu, gjatë ditës së fundit, 771 persona të plagosur janë dërguar në spitalet e Gazës, ndërsa një pjesë e viktimave ndodhen ende nën rrënoja, ku ekipet e emergjencës dhe ambulancat nuk kanë mundur të arrijnë për shkak të situatës së rënduar në terren.
Ministria ka njoftuar gjithashtu se 87 persona janë vrarë dhe 570 të tjerë janë plagosur ndërsa përpiqeshin të merrnin ndihma humanitare, përfshirë ushqime dhe ndihmë mjekësore.
