Një ngjarje banale ka ndodhur pasditen e sotme në Kamëz, pranë stacionit të autobusëve të Laknasit, ku një sherr mes disa të rinjve ka degraduar në përdorimin e armëve të ftohta.
Sipas një denoncimi për JOQ, personat e përfshirë në sherr duken si adoleshentë. Fillimisht, konflikti nisi me debate verbale, por situata u përkeqësua kur njëri prej tyre nxori një biçak, një tjetër një thikë mishi rreth 20 cm të gjatë, ndërsa një tjetër u shfaq me hanxhar në dorë.
Ngjarja shkaktoi habi tek kalimtarët dhe qytetarët që ndodheshin pranë stacionit të autobusëve.
Policia mbërriti në vendin e ngjarjes, por të rinjtë u shpërndanë menjëherë duke u larguar në drejtime të ndryshme. Deri më tani nuk ka informacion për ndonjë arrestim apo identifikim të autorëve.
Ngjarja ngre shqetësime serioze për sigurinë publike dhe për shtimin e rasteve ku adoleshentët mbajnë armë të ftohta në vende publike.
“U bë një sherr në Kamëz para nja 20 minutash. S’e di për çfarë janë zënë se duken si adoleshentë, por njëri nxori biçak, tjetri doli me një thikë mishi diku te 20 cm dhe tjetri me një hanxhar. Erdhi policia, por u shpërndanë. Te stacioni i autobusëve të Laknasit.” – shkruan denoncuesi.
View this post on Instagram
