Kryeministri izraelit, Benjamin Netanyahu, konfirmoi të hënën, 4 gusht, vendimin për pushtimin e plotë të Rripit të Gazës, duke përfshirë edhe operacionet ushtarake në zonat ku besohet se mbahen pengjet.
“Ne jemi të vendosur të çlirojmë Gazën nga tirania e këtyre terroristëve,” tha Netanyahu në një video-mesazh të postuar në platformën X.
“Shumë banorë të Gazës na drejtohen duke thënë: ‘Na ndihmoni të çlirohemi. Na ndihmoni të çlirohemi nga Hamasi: dhe këtë do të bëjmë,” – shtoi ai.
Zyra e Kryeministrit i dërgoi gjithashtu një mesazh shefit të Shtabit të Përgjithshëm, Gjeneralit Eyal Zamir: “Nëse kjo nuk ju pëlqen, atëherë duhet të jepni dorëheqjen.”
Sipas një raporti të Radio Ushtarake Izraelite, tensionet mes Netanyahu dhe Zamir lidhur me mënyrën e zhvillimit të luftës në Gaza janë intensifikuar dhe arritën kulmin të hënën.
Ky njoftim i Netanyahu vjen pas muajsh bisedimesh të dështuara në Katar mes Izraelit dhe Hamasit, ku ndërmjetësit përpiqen të kapërcejnë pengesat nga të dyja palët për të arritur një marrëveshje për armëpushim dhe lirimin e pengjeve, ndërkohë që situata humanitare në Rripin e Gazës po përkeqësohet.
Watch This >> pic.twitter.com/oD93pRpuC8
— Benjamin Netanyahu – בנימין נתניהו (@netanyahu) August 4, 2025
