Zjarri në Delvinë ka dalë jashtë kontrollit, teksa pas shkrumbimit të dhjetërave hektarëve, disa persona kanë mbetur të lënduar.
Mes të dëmtuarve është edhe shefi i Komisariatit të Delvinës, komisar Agim Troci, i cili është transportuar me helikopter drejt Spitalit të Traumës në Tiranë, pasi ka pësuar djegie në bark, krah dhe këmbë.
Fillimisht, ai mori ndihmën e parë në spitalin e Sarandës, por për shkak të gjendjes së dëmtimeve, u vendos transportimi i menjëhershëm në Tiranë për trajtim të specializuar.
Zjarri në Senicë vijon të jetë aktiv, ndërsa forcat zjarrfikëse dhe banorët po punojnë për izolimin e flakëve.
