Kreu i Partisë Demokratike, Sali Berisha, ka denoncuar një tjetër aferë të rëndë që, sipas tij, ka ndodhur me bekimin e kryeministrit Edi Rama.
Në një deklaratë për mediat, Berisha akuzoi se stadiumi “Niko Dovana” në Durrës, së bashku me sipërfaqe të gjera përreth tij, i është kaluar kartelit “Troplini” si shpërblim për angazhimin e tyre kriminal në fushatën e zgjedhjeve vendore të 11 majit 2025.
Sipas Berishës, presidenti i klubit Teuta dha dorëheqjen në mënyrë të papritur më 16 qershor dhe, pa asnjë transparencë, pronësia e stadiumit i është transferuar korporatës së lidhur me këtë kartel. Ai tha se ky zhvillim nuk figuron në asnjë regjistër zyrtar, duke e cilësuar si një tjetër formë të grabitjes së pasurive publike nga klientela e pushtetit.
Berisha shtoi se përreth stadiumit janë planifikuar ndërtime të larta, përfshirë kulla deri në 125 metra. Ai përmendi emrin e Ergys Agasit si një person të lidhur me projektin, por që është mbajtur në hije për shkak të implikimeve të mëparshme në afera.
Berisha: Tani, ju e dini se kompania e tij e ndërtimit, e Elvis Doçit, nuk është sekuestruar.
Së dyti, kompania e vezëve në emër të të atit të tij, në banesën e Fatmir Troplinit, u gjetën 3 milionë euro, që thanë se vijnë nga Ovvital, quhet kjo kompania, edhe ato nuk u sekuestruan.
Kompania vazhdon shet vezë.
Pra, është një konglomerat në të cilin karteli ka fuqi aq sa ç’ka kryeministri i vendit, aq sa ç’kanë kreu i Skapit, aq sa ç’ka ministri i brendshëm.
Një shtet i tërë është tek këmbët e kartelit.
U shpërblye pra, ja ku dolën votat e deputetëve të kartelit. E Ballës dhe deputetëve të tjerë.
Tani, ky është vendimi i Edi Ramës. Në mungesë dhe me dëshirë, e zëvendëson Lubi Balluku.
Urdhëroni.
Mjafton kjo për të kuptuar që kjo është një nga aferat më korruptive që mund të ekzistojë.
Urdhëroni, mos firmos se firmos unë për ty.
Vazhdojmë. Hasanbelliu një dorëheqje pas vitit 1999 gjer sot.
Vazhdojmë. Shikoni ky është stadiumi, këto janë ndërtimet, qindra mijëra metër katrorë ndërtime në prona private nga agjencia e investimeve strategjike, agjencia e grabitjeve strategjike.
Ky është projekti.
