Edi Rama ka vazhduar ditën e sotme me premtimet e radhës rreth Inteligjcës Artificiale, gjatë një takimime përfaqësues të teknologjisë, biznesit dhe start-up.
Pa e caktuar kohën se kur do e krijojë, Rama u premtoi përfaqësuesve se ministrin e Shtetit për Inteligjencën Artificiale do e zgjedhin vetë përfaqësuesit që ishin të pranishëm në takim.
Sipas Ramës, Shqipëria 2030 do të jetë me IA dhe u kërkoi një draft-program për ta çuar në parlament dhe për ta kthyer në program pune të qeverisë. Më tej, kreu i qeverisë shtoi se do jetë arritje historike që të krijojnë ministra dhe kryeministrin me IA, ku sipas tij, ata do punojnë, ndërsa ne do bëjmë muhabet.
Po ashtu, Rama premtoi edhe ndërtimin e një muzeu tërësisht me IA, teksa vlen të theksohen se sa do të mbahen këto premtime, pasi kohë më parë premtoi se dhe tenderat do i bënte me IA, por deri më tani nuk është arritur kjo gjë. Siç duket, qëllimi është që të shmangë përgjegjësit e abuzimeve.
Edi Rama: Tjetra që kemi rënë dakord, do kemi një Kuvend të përbashkët, forum, të paktën 1 herë në 4 muaj për të gjithë problematikat dhe për risitë e sektorit dhe gjithë piketat që duhen ndryshuar, apo shtuar.
Nga ana jonë ministrja e shtetit për sipërmarrjen, ministri për ekonominë, kulturën dhe inovacionin, ministrja e arsimit do angazhohen me ju për të hartuar marrëveshjen kuadër mes qeverisë dhe sektorit tuaj, pasi besoj që duhet të hapim një kapitull të ri, në sensin që ju duhet të keni akses në të gjithë strukturat e qeverisë për të pasur të mundur të keni bazën e nevojshme të të gjitha të dhënave për të ndërtuar proceset që do na sjellin modele të AI që do të na shërbejnë ne për ti shërbyer publikut dhe do tu shërbejmë dhe juve në punën tuaj dhe pastaj do ta në shërbejnë bashkërisht për të promovuar produktet tona. Nuk është aspak mungesë modestie që ne të pretendojmë të krijojmë dhe të promovojmë produkte tej kufijve
Ramë dakord, që me koordinimin e shoqatës të gjithë ju që jeni këtu dhe ata në sektor, të na ofrojnë sipas tyre draft programin e “AI Albania 2030”, ku do të jetë Shqipëria në Inteligjencë Artificiale në 2030 për të na e prezantuar, diskutuar dhe miratuar dhe pastaj ne për ta marrë e për ta çuar në Parlament si pjesë të programit të qeverisë. Shtoj këtu se ministrin e Shtetit për Inteligjencën Artificiale do ta zgjedhim me pjesëmarrjen tuaj. Nëse do arrini dot të krijoni një model të Inteligjencës Artificiale që të zgjedhi ministrin, do të jetë hapi i parë drejt momentit historik kur Shqipëria do të jetë e para që të ketë qeverinë të tërën me ministra dhe me Kryeministrin me Inteligjencë Artificiale. Aty pastaj do kalojmë në nivel tjetër, se do punojë IA dhe ne të tjerët do bëjmë muhabet për politikën, pa pasur mundësi që të marrim asnjë vendim.
Në Tiranë në shtator do t’i japim arkitekturës bashkëkohore dhe botës një inovacion që vjen nga një start up shqiptarësh dhe që nëse është ashtu siç është më duket mua nga sa pashë dhe sic tregon edhe interesimi i shumë arkitektëve, do të mund ndryshojë shumë mënyrën se si funksionon gjithë sektorit dhe studiot e arkitekturës botërisht.
Sikundër me shumë gëzim dhe me shumë përgjegjësi, do të angazhohen personalisht edhe me strukturat përkatëse për të parë nëse mund të ndërtojmë në Shqipëri me këtë teknologji të re, të propozuar nga start up, muzeun e parë tërësisht me AI. Thënë të gjitha këto, besoj që është e udhës që nga tryezat të bëhen referimet e përmbledhura të temave që u diskutuan.
