Biznesi i tij reklamohet nga vetë Edi Rama si model suksesi, edhe pse rezulton model i shmangies së taksave dhe shfrytëzimit të punonjësve. Bëhet fjalë për Ismet Shehun, pronarin e restorantit të njohur ‘Ceren’, një nga përfituesit kryesor të pronave të ushtrisë, mbi 80 mijë m2 ish reparte dhe tunele. Shehu, i cili pretendon se ka gatuar edhe për Mbretëreshën Elizabet të Anglisë, paguhet me pagë minimale 30 mijë lekë, si kuzhinier në restorantin e tij pranë shtëpisë së Edi Ramës.
Duke qenë pronar, Ismet Shehu mund ta caktojë sa të dojë pagën e tij, por mbi kufirin minimal, pasi Shehu ndan dividentin. Por, Ismet Shehu paguan edhe kryekuzhinierin dhe menxherin e restorantit me 40 mijë lekë në muaj, një pagë kjo qesharake dhe larg realitetit, duke ngritur dyshime për operim me dy bordero, çka përbën një krim ekonomik.
Ismet Shehu paguan të gjithë punonjësit e tjerë me 30 mijë lekë në muaj, të cilëve do t’u dalë pensioni sa një pension kooperative! Po nga i merr Shehu paratë që u paguan punonjësve nën dorë?
Duke përdorur gjithnjë të shkuarën e tij të vështirë (si shumica e shqiptarëve), Shehu ka marrë me klientelizëm 10 tunele të ushtrisë, ish reparte ushtareke dhe prona të tjera publike me sipërfaqe mbi 80 mijë m2, duke i kthyer në biznese. Duke mashtruar prej 5 vitesh me taksat, bizneset e Shehut shtrihen nga Surreli në Palasë. Përmes dy nipteve, Shehu ka marrë edhe para publike për dreka dhe darka të shtruara nga disa institucione publike.
Këto rrethana (prona publike dhe para që duhet të shkonin në arkën e shtetit) duket se kanë nxitur tek Shehu shpirtin e aventurës dhe impulset e hamshorllëkut, pasi ka nisur t’u shkruajë vajzave të ndryshme, duke i ftuar për mish në hell. Sipërmarrësi ka të drejtë të ndjekë pasionet e tij, por pa shkelur ligjin, pasi disa nga vajzat me të cilat flirton janë minorene dhe mund të përfundojë duke larë pjatat në burg./ Prapaskena
