Një aksident tragjik është regjistruar pas mesnatës së kaluar, rreth orës 00:40, në autostradën “Tiranë-Durrës”, në zonën e “Marikaj” në Vorë.
Autoritetet policore raportojnë se shtetasi D. D., rreth 18 vjeç, dyshohet se ka humbur kontrollin mbi drejtimin e automjetit dhe për pasojë, makina ka dalë nga rruga.
Siç shihet edhe në foton e mësipërme, bëhet fjalë për një “Audi” të bardhë, me të cilin po udhëtonin tre të rinj dhe janë përplasur me një pikë karburanti “Eida”.
Si pasojë e aksidentit, ka humbur jetën në vendin e ngjarjes një prej pasagjerëve, shtetasi E. B., rreth 19 vjeç. Ndërkohë, kanë mbetur të plagosur shoferi 18-vjeçar dhe pasagjeri tjetër.
Ata janë dërguar me urgjencë në spital, ku ndodhen në spital, nën kujdesin e mjekëve, teksa ende nuk dihet gjendja e tyre.
Shkak i aksidentit dyshohet të ketë qenë shpejtësia e lartë, tej normave të lejuara, teksa përplasja ka qenë shumë e fortë, sa makina është shkatërruar në pjesën e përparme.
Policia thotë se grupi hetimor vijon punën për përcaktimin e shkakut të aksidentit dhe sqarimin e rrethanave.
