Politologu Ilir Kalemaj ka komentuar shkarkimin masiv të drejtorëve në Bashkitë e vendit, kuka deklaruar se Rama po bën diversion.
Sipas tij, Rama e ka çuar në një shkallë më epike një model që po e shohim edhe në Greqi dhe Itali.
Më tej Kalemaj theksoi se hiqet vëmendja nga disa probleme të vendit dhe rënia në pikatë e turizmit, si dhe krijohen disa vende pune.
“Duket që z.Rama është në një tur shkarkimesh për të gjitha bashkitë e vendit. Lind pyetja, po të humbte z.Rama çfarë do ndodhte?! Po shkarkon me një legjitimitet të cunguar, duke thënë që s’po më zë gjumi natën, për shkak të përgjegjësisë që kam, dhe ai vet po zgjedh të bëjë kryebashkiakun e gjithë vendit.
Ne jemi në një shtet anormal, në BE këto janë kurrsesi të lejuara. Me ç’të drejtë Rama në thyerje të ligjit, kushtetutës, kartës së autonomisë vendore merr rolin e kryebashkiakëve? Këta persona që s’paskan performuar pse s’u pushuan para zgjedhjeve?! Të gjithë këta s’paskan punuar në grup?! Ato që u tërheq vëmendjen Rama pak kanë të bëjnë me pushtetin lokal. I shkuli veshin në Vlorë për landfillin, ujin, apo derdhjen e ujërave të zeza. Por fillohet gjithmonë nga qeveria qendrore, dhe këtë s’e themi ne, e thotë Erion Braçe. Ka 12 drejtorë që janë të PD, PDIU, LSI.
Kam një teori tjetër që kryeministri thjesht po bën diversion nga disa çështje. E ka marrë të gatshëm këtë model, ka parë çfarë po bën Mitsotakis dhe Meloni. E ka çuar në një shkallë më epike, sepse ka më shumë pushtet. Thjesht do të heqë vëmendjen nga problemet e vendit.
Ajo që ishte krenaria në mandatet e fundit, turizmi, këtë vit është në pikiatë. Kemi shtrenjtim të mallrave të konsumit, shtrenjtim të jetesës, ndërkohë që s’ka politika zbutëse. Z. Rama mundohet të krijojë këtë diversion masiv, sepse duhen gjetur edhe vende pune. Ai e kupton se edhe po të heqë disa nga puna në mënyrë abritrare, këta njerëz kanë prapë atë pritshmërinë që diçka tjetër do kapin”, tha Kalemaj në MCN.
Lidhur me shembjen e objekteve pa leje, Kalemaj tha: “Edhe ky është një dështim spektakolar i organeve shtetërore”.
