Ditën e sotme banorët e Thethit vazhduan protestën kundër prishjes së strukturave që kishin ngritur në tokën e tyre.
Një prej tyre shpërtheu në lot para kamerave, duke treguar dhimbjen e madhe për humbjen e investimit të gjithë jetës.
“Shtova të gjitha kursimet, madje mora edhe borxhe për këtë biznes që ishte e vetmja mënyrë për të mbijetuar me familjen time. Kam shtëpi druri, pa beton dhe asgjë tjetër, në tokën time të trashëguar. Kërkuam leje, por na thanë të presim. Tani po na prishin gjithçka,” tha banori i shqetësuar.
Ai i bëri thirrje shtetit që t’u japë mundësi të vazhdojnë jetesën dhe punën: “Na kanë thënë investoni, por tani nuk na lejojnë. Këtu nuk ka asnjë beton, vetëm ato që kemi investuar vetë. Tani nuk kam më asnjë lek për të investuar. Nëpërmjet protestës kërkojmë të na lënë të jetojmë.”
Protestat vazhdojnë, ndërsa banorët kërkojnë që të mos u prishen strukturat dhe të gjejnë zgjidhje për të ruajtur burimet e tyre të jetesës.
