Prej disa muajash Tirana ndodhet pa kryebashkiak pas arrestimit të Erion Veliajt.
Kryeqyteti i Shqipërisë është zhytur nga pisllëku, ndërsa infrastruktura po degradohet çdo ditë dhe më shumë.
Së fundmi gazetarja Beti Njuma ka ndarë në rrjetet sociale pamje të Piramidës së Tiranës ku duket se i kanë rënë pllakat.
Njuma shprehet se kompanitë “FUSHA” shpk dhe “EDIL-AL-IT” kanë marrë nga Bashkia e Tiranës plot 15 milionë euro ose 1.73 miliard Lekë për “Rijetëzimin” e Piramidës së Tiranës.
Ajo shkruan më tej se megjithëse e rikonstruktuar me shifra astronomike, Piramidës iu shkul mermeri i shtrenjtë dhe iu vendosën pllaka majolike.
Sipas saj, sot këto pllaka po rrëzohen bashkë më “fasadë e një abuzimi monumental ku miliona euro nuk mjaftojnë për të bërë një rikonstruksion dinjitoz.”
Reagimi nga Beti Njuma:
“VELIJA NË BURG, PIRAMIDËS I BIEN PLLAKAT…
Kompanitë “FUSHA” shpk dhe “EDIL-AL-IT” kanë marrë nga Bashkia e Tiranës plot 15 milionë euro ose 1.73 miliard Lekë për “Rijetëzimin” e Piramidës së Tiranës.
Por sot nje vit e gjysmë pas rikonstruksionit të ish muzeut të diktatorit, tanimë qendër teknologjie, ku më shumë pihet kafe se bëhet inovacion, godinës së Rilindur kanë nisur t’i bien pllakat.
Megjithëse e rikonstruktuar me shifra astronomike, Piramidës iu shkul mermeri i shtrenjtë dhe iu vendosën pllaka majolike. Sot, pllakat dhe suvaja po rrëzohen, e bashkë me to edhe fasada e një abuzimi monumental ku miliona euro nuk mjaftojnë për të bërë një rikonstruksion dinjitoz”, shkruan Njuma teksa publikon fotografite më poshtë:
