Në vjeshtë pritet të mbahen zgjedhje të pjesshme lokale në Bashkinë e Matit, Beratit dhe Tepelenës, për shkak se kryebashkiakët dhanë dorëheqjen për të garuar për deputet. Me shumë mundësi, pas vendimit të djeshëm të Gjykatës së Lartë për Erion Veliajn, zgjedhje të parakohshme pritet të kemi edhe në Tiranë.
Deri më tani, zgjedhjet e 11 Majit, Sali Berisha i ka konsideruar si një farsë elektorale dhe se me Edi Ramën nuk ka zgjedhje të lira. Por, gjatë konferencës me gazetarët, i pyetur nëse a do të marrë pjesë PD në zgjedhjet e pjesshme lokale, lideri demokrat nuk dha një përgjigje konkrete. Berisha tha se ky vendim do të merret më vonë.
“Çdo proces zgjedhor me Edi Ramën është vetëm farsë elektorale. A di marrim pjesë a jo, do vendoset më vonë. Por çdo proces zgjedhor me Edi Ramën është vetëm farsë elektorale. Të gjitha do i merrni vesh, sepse në qoftë se do kishte emër të dytë kjo parti, do quhet transparenca demokratike.” – tha Berisha.
