Komisioni i Ankimimeve dhe Sanksioneve (KAS) do të vendosë sot, 7 korrik, për vlefshmërinë e zgjedhjeve parlamentare në katër qarqe, Tiranë, Durrës, Fier dhe Elbasan. Mbledhja e KAS, pritet të nisë në orën 11:00.
Kujtojmë se procesi i rinumërimit, me kërkesë të opozitës, zgjati plot tre javë. Me rihapjen e kutive, Partia Demokratike humbi më shunmë vota nga ç’kishte marrë më 11 maj.
Lëvizjet e votave në Tiranë, për anëtarët e KAS ishin si rezultat i gabimeve njerëzore gjatë raundit të parë të rinumërimit, ndërsa për qarkun e Fierit u vu re një fenomen shqetësues, ai i vjedhjeve të votave brenda kandidatëve, me rekordin që mbahej nga Ceno Klosi.
Anëtarët e KAS ngritën dyshime edhe për krime zgjedhore nga numëruesit. Pavarësisht disa ndryshimeve, përbërja e Parlamentit të ri qëndroi e “paprekur”.
