82-vjeçarja Katina Thanasi isjhte e moshuara, e cila mëngjesin e sotëm u përplas me forcat e Policisë, të cilët nuk e linin ta takonte Edi Ramën në qytetin e Vlorës
Në një prononcim për Euronews Albania ajo rrëfeu gjithë episodin, teksa tha edhe shqetësimin që i kishte ngritur Edi Ramës. E moshuara u shpreh se prej dy vitesh e gjysmë i shkon kryebashkiakut të Vlorës, Ermal Dredha ku i kërkon pastrimin e një kanali dhe një toke, për shkak se rrezikohet nga zjarri, por deri më sot nuk ishte marrë asnjë veprim nga ana e tij.
“Ç’ndodhi? Ja ndodhi ajo që erdhi Rama, unë isha aty dhe do shkoj ta takoj thashë. Më rrethuan policët, shtyj ata, shtyj unë. Jam 82 vjeçe, Katina Thanasi. Shumë e vështirë përplasja, do të të arrestojmë më thanë. I thashë nuk më arrestoni dot se s’kam bërë ndonjë gjë, as kam vjedhur asgjë. Megjithatë, ju e keni në dorë. Qe një police vajzë dhe 5 polica të tjerë, por ishin të shëndoshë dhe shtyj ata, shtyj unë. Por, ikur Rama për poshtë. ‘Rama mos ikë, Rama mos ikë’ i thash unë, se të dua. Pastaj, atje më poshtë qëndroi Rama dhe më mbajtën këta policët, por unë i shtyva me dorë dhe u drejtua këtej Rama nga unë dhe më tha pse bërtet. Bërtas i thashë unë se ky kryetari që po rri këtu me ty kam dy vite e gjysmë që i vete për pastrimin e kanalit dhe të tokës këtuja se do më bjerë zjarri dhe nuk vjen. Këtë shqetësim kam, të më pastrohet kanali dhe toka atje.” – tregoi e moshuara.
