Kryeministri Edi Rama ka zhvilluar sot një vizitë të papritur në Bashkinë e Vlorës.
Burimet mediatike bëjnë me dije se kreu i qeverisë do të zhvillojë një mbledhje me të gjithë stafin e institucionit, ku është kërkuar edhe prania e deputetëve dhe ish-deputetëve të qarkut Vlorë.
Paraditen e sotme kryeministrin Rama është filmuar teksa hyn në ambientet e Bashkisë së Vlorës. Kujtojmë që Vlora është përballur disa herë me problematika që prej nisjes së sezonit, ku më kritikja ishte zjarri që ka përfshirë disa herë fushën e mbetjeve në qytet.
Ky është viti i pestë radhazi që zjarri që ndodh i njëjti skenar pavarësisht premtimeve të përsëritura – aty pranë fushës së mbetjeve sa herë bie zjarri – asgjë nuk ka ndryshuar duke ekspozon paaftësinë dhe papërgjegjshmërinë e autoriteteve lokale dhe qendrore për t’i dhënë fund kësaj krize urbane.
E banorët pasi u ushqyen me propagandën paraelektorale të Ramës, para zgjedhjeve të 11 majit, për investimet në infrastrukturë dhe zhvillimin turistik të qytetit, tani vijojnë të thithin helmin e ndotjes.
Pavarësisht se Vlora propagandohet si “sukses” nga Rama, qyteti bregdetar nuk plotëson as kushtet minimale të banorëve por edhe atyre pak turistëve që duhet të përballen me tymin kancerogjen që çlirohet nga zjarri i mbetjeve por edhe nga mungesa e ujit të pijshëm.
Qyteti i Vlorës ndodhet prej më shumë se 3 javësh në një krizë të rëndë uji, duke goditur jo vetëm jetesën e banorëve, por edhe sezonin turistik që sapo ka nisur.
Në lagje të ndryshme të qytetit, furnizimi me ujë mungon totalisht ose vjen për vetëm 20 minuta në ditë, duke e bërë të pamundur përballimin e temperaturave të larta dhe nevojave bazë të përditshme.
Kjo vizitë e Ramës vjen pak ditë pas 34-vjetorit të Partisë Socialiste, ku Rama dhe kryebashkiaku Dredha u vunë re në disa momentet të tensionuara mes tyre. Gjuha e trupit e kryeministrit në bisedën mes tyre, u interpretua si pakënaqësi ndaj punës së kryebashkiakut./ Boldnews.al
Lexo edhe:
Vlora turistike e Ramës pa ujë prej javësh, qytetarët në “pikë të hallit”: S’kemi as me çfarë lahemi
