Fusha e mbetjeve në Vlorë është përfshirë sërish nga zjarri ditën e sotme.
Si pasojë tymi i zi, është përhapur në të gjithë qytetin “turistik” që propagandohet nga mëngjesi deri në darkë nga kryeministri Edi Rama, por në realitet pushteti vendos dhe qendror nuk merr asnjë masë.
Tashmë që ka nisur sezoni veror, situata e zjarreve në fushën e mbetjeve të Vlorës është e njëjtë dhe kaotike. Jo vetëm qytetarët por tashmë edhe pushuesit po “mbyten” nga tymi kancerogjen që mbylon të gjithë zonën.
Sezoni turistik erdhi. Dhe bashkë me të, si çdo vit, u përsërit një nga krimet më të rënda mjedisore dhe shëndetësore në Vlorë – djegia e fushës së mbetjeve, me bekimin dhe heshtjen e qeverisë.
Ky është viti i pestë radhazi që zjarri që ndodh i njëjti skenar pavarësisht premtimeve të përsëritura – aty pranë fushës së mbetjeve sa herë bie zjarri – asgjë nuk ka ndryshuar duke ekspozon paaftësinë dhe papërgjegjshmërinë e autoriteteve lokale dhe qendrore për t’i dhënë fund kësaj krize urbane.
E banorët pasi u ushqyen me propagandën paraelektorale të Ramës, para zgjedhjeve të 11 majit, për investimet në infrastrukturë dhe zhvillimin turistik të qytetit, tani vijojnë të thithin helmin e ndotjes.
Edhe pse zjarri nuk ka marrë përmasa të mëdha dhe po tentohet të izolohet, sipas informacioneve, dyshojnë se është një zjarr i qëllimshëm.
Nuk raportohen për persona të lënduar nga zjarri. Kjo është hera e disatë që kjo fushë mbetjesh përfshihet nga zjarri.
