Ka nisur me debat seanca e fundit plenare për këtë legjislaturë në Kuvend.
Në seancën e sotme në rend dite janë një sërë projektligjesh për të diskutuar. Në rendin e ditës së sotme është raporti vjetor i Këshillit Kombëtar të Integrimit Europian (KKIE) për vitin 2024.
Kryetarja e Kuvendit Elisa Spiropali i mbylli mikrofonin deputetes demokrate, Zheni Gjergji, kur ajo nisi të fliste për zjarrin e madh në Elbasan që shkaktoi tym toksik.
“Mund të flisni në rendin e ditës, por mos abuzoni me procedurën, ndoshta është çështje e rëndësishme për të biseduar”, i tha Spiropali deputetes.
“Raporti i institucioneve të pavarura duhej kaluar në këtë legjislacion, por ju pa të drejtë nuk e kaluat. Ju këtu ofendoni dhe institucionet e pavarura dhe drejtuesit e tyre dhe raportimi në shtator nuk do jetë efektiv,” tha Leskaj.
Projektligjet e tjera që janë parashikuar të miratohet janë ai për investimet e huaja, për rezervat materiale të shtetit, për markat tregtare, për patentat dhe certifikatat e mbrojtjes shtesë, për administrimin e bashkëpronësisë në ndërtesa, si dhe ai për pushtetet dhe autoritetet e komandimit të Forcave të Armatosura.
